Nëse je një organizatë e shoqërisë civile, aktivist, apo thjesht një qytetar që beson tek ndryshimi përmes aktivizmit – ky është momenti yt!
Bëhu pjesë e #NAD2024, Ditës Kombëtare të Aktivizmit më 31 Tetor dhe eja të nxisim një lëvizje gjithëpërfshirëse në mbarë Shqipërinë!
Çdo vit, #NAD hap dyert për të gjitha format e aktivizmit. Pjesa më e bukur? Ti zgjedh formatin, vendndodhjen dhe kohën kur mund të përfshihesh!
Disa nga aktivitetet që mund të sillni në NAD, janë:
- Fushata ndërgjegjësimi fizikisht ose online si: marshim, librari njerëzore, fushatë online, street art, etj. për një çështje me rëndësi në komunitetin tuaj.
- Aktivitete praktike mjedisore si: pastrimi i zonave të ndotura, mbjellja e pemëve, punëtori për ripërdorim/riciklim, kompostim – gjithçka që mbron mjedisin.
- Nisma që promovojnë gjithëpërfshirjen dhe diversitetin në vendimmarrje, që bashkojnë njerëzit dhe sjellin ndryshime në komunitet si: peticionet; diskutim në grup; video ndërgjegjësimi me tematikën e gjithëpërfshirjes etj.
- Çdo gjë tjetër që të nxit pasionin për ndryshim!
#NAD2024 feston aktivizmin në të gjitha format e tij, në çdo cep të vendit. Është një ditë për të kujtuar fuqinë e veprimit qytetar dhe rolin kyç që luajmë të gjithë në ndërtimin e një demokracie më të fortë dhe të shëndetshme.
Ndër vite, mbi 160 organizata dhe aktivistë anë e mbanë Shqipërisë janë bashkuar me një qëllim: të sjellin ndryshim. Nga aksionet lokale, te panairet e shoqërisë civile në zemër të Tiranës, #NAD është kthyer në një lëvizje kombëtare për diversitet dhe gjithëpërfshirje.
Si të bashkohesh me këtë lëvizje?
- Rezervo një stendë dhe bëhu pjesë e Panairit të Aktivizmit, me fokus diversitetin dhe gjithëpërfshirjen e zërave të ndryshëm për një vendimmarrje më të mirë;
- Ndërmerr aktivitetin tënd – kudo që të jesh! Zgjidh temën, llojin e aktivitetit dhe vendndodhjen, dhe #NAD2024 do t’i bëj jehonë nismës tënde. Bashkohu rrjetit të madh të aktivistëve në mbarë Shqipërinë që do të lënë gjurmën e tyre në mënyra unike.
Çdo veprim, sado i vogël, ka rëndësi për të formësuar të ardhmen ku ne të jetojmë.
Për t’u përfshirë, konfirmo pjesëmarrjen tënde duke plotësuar formën e pjesëmarrjes deri në 16 Tetor.
Për pyetje ose paqartësi dërgoni email në nad@co-plan.org!!!
Le të veprojmë, kudo që jemi dhe sa të mundemi! Bëhu edhe ti pjesë e #NAD2024!