Xhulia Facaj ka përfunduar studimet në Arkitekturë në Universitetin Politeknik të Tiranës, Fakulteti i Arkitekturës dhe Urbanistikës. Profesioniste në fushën e arkitekturës dhe zhvillimit urban prej 5 vitesh në sektorin publik dhe privat, si specialiste në hartimin e projekteve të tipologjive të ndryshme në shkallë mikro me fokus hartimin e koncepteve dhe zgjidhjen arkitektonike, projekteve të zbatimit, hartimit të planeve të zhvillimit dhe planeve të detajuara vendore. Znj. Facaj është e fokusuar mbi arkitekturën dhe zhvillimin e qëndrueshëm duke hulumtuar në mënyrë të vazhdueshme mbi politikat për zgjidhjen e çështjeve mjedisore, ndryshimet klimatike, prodhimit të energjisë së rinovueshme, zhvillimeve teknologjike dhe progresit të materialeve të ndërtimit. Ajo është krijuese e nismës mbi “Implementimin e materialeve të zgjuara në arkitekturë”, zbatuar nga CO-PLAN dhe financuar nga Ambasada Amerikane. Aktualisht Znj. Facaj punon si Specialiste e Investimeve në Infrastrukturë pranë Drejtorisë së Përgjithshme të Arsimit Parauniversitar.