Henri Golemaj nxënës i shkollës 9-vjeçare “Andon Xoxa” në Fier, duke qenë vazhdimit i përfshirë në aktivitete mjedisore , për të, mbrojtja e mjedisit është një pasion i vërtetë. Henri ka ndërmarrë nismën për përmirësimin e cilësisë së mjedisit në zonën e Pishporos duke e gjelbëruar atë. Bashkë me një grup bashkëmoshatarësh të vendosur për të ndryshuar realitetin mjedisor, Henri është bërë pjesë e programit #shkëndija me një qëllim të qartë: të kontribuojë në përmirësimin e mjedisit dhe të promovojë ndërgjegjësimin për çështjet mjedisore.